អតិថិជនទាំងអស់មានសិទិ្ឋរំពឹងនិងតម្រូវការម្ហូបអាហារដែលមានគុណភាពល្អ។ ការធ្វើពាណិជ្ជកម្មអាហារក្នុងស្រុក និងអន្តរជាតិប្រកបដោយជោគជ័យ និងការអភិវឌ្ឍន៍ផ្អែកលើកសិកម្មប្រកប ដោយនិរន្តរភាព អាស្រ័យទៅលើការផ្គត់ផ្គង់អាហារប្រកបដោយសុវត្ថិភាពដែលឆ្លើយតប នឹងតម្រូវការគុណ ភាពរបស់អ្នកទិញ។
អាជីវកម្មជាច្រើនអាចជួបប្រទះបញ្ហាប្រឈមនានា ប៉ុន្តែជាពិសេសអ្នកផលិត និងអ្នកធ្វើពាណិជ្ជកម្មខ្នាតតូចនៅក្នុងប្រទេសកំពុងអភិវឌ្ឍន៍ត្រូវការជំនួយក្នុងការរៀបចំ និងអនុវត្តកម្មវិធីគ្រប់គ្រងសុវត្ថិភាពម្ហូបអាហារស្របតាមតម្រូវការអន្តរជាតិ។ ក្រុមសុវត្ថិភាពម្ហូបអាហាររបស់យើង នឹងជួយលើកកម្ពស់ការអនុវត្ដប្រព័ន្ធគ្រប់គ្រងសុវត្ថិភាពម្ហូបអាហារ ដល់ប្រតិបត្តិករពាណិជ្ជកម្មម្ហូបអាហារតាមបណ្ដោយសង្វាក់ផលិតកម្មស្របតាមគោលការណ៍ណែនាំ និងអនុសាសន៍របស់ Codex។
- លើកកម្ពស់ការអនុវត្តអនាម័យល្អនៅគ្រប់ដំណាក់កាលនៃចង្វាក់អាហារ និងប្រព័ន្ធ HACCP ដែលសមស្រប
- ជំរុញការអភិវឌ្ឍសមត្ថភាព និងប្រព័ន្ធប្រកបដោយនិរន្តរភាព (ឯកជននិងសាធារណៈ) ដើម្បី ផ្តល់លទ្ធភាពផ្តល់ជំនួយបច្ចេកទេស
- អភិវឌ្ឍឧបករណ៍ និងសម្ភារៈហ្វឹកហ្វឺនសម្រាប់ការសម្របខ្លួន និងប្រើប្រាស់ក្នុងការគាំទ្រ ដល់កម្មវិធីបណ្តុះបណ្តាលដល់អាជីវកម្មរបស់អ្នកក្នុងគោលបំណងពង្រឹងខ្សែសង្វាក់ផលិតកម្ម និងបង្កើតនូវអាជីវកម្មម្ហូបអាហារដែលមានសុវត្ថិភាព។
យើងផ្តល់ការគាំទ្រដល់អាជីវកម្មម្ហូបអាហារក្នុងការអភិវឌ្ឍន៍ច្បាប់ និងបទប្បញ្ញត្តិស្ដីពីសុវត្ថិភាព ម្ហូប អាហារ ជាតិដ៏ទំនើប និងមានប្រសិទ្ធភាព។ ការគាំទ្រផ្នែកបច្ចេកទេស នេះត្រូវបានផ្តល់ជូនតាម រយៈក្រុមអ្នកផ្តល់ប្រឹក្សាផ្នែកសុវត្ថិភាពម្ហូបអាហារដែលធ្វើការយ៉ាងជិតស្និទ្ធជាមួយ នឹងអាជីវកម្ម ម្ហូប អាហាររបស់អ្នក។ ការពិចារណាត្រូវបានផ្តល់ឱ្យសមស្របទៅតាមក្របខ័ណ្ឌច្បាប់ជាមួយនឹងតម្រូវការរបស់ស្តង់ដារសុវត្ថិភាពម្ហូបអាហារពិភពលោក និងកន្លែងដែលពាក់ព័ន្ធដោយផ្អែកលើស្តង់ដាCodex គោលការណ៍ណែនាំ និងអត្ថបទពាក់ព័ន្ធដែលជាស្តង់ដារសម្រាប់សុវត្ថិភាពចំណីអាហារនៅកម្រិតអន្តរជាតិ៕
0 Comments