ការគ្រប់គ្រងធនធានសំរាប់ប្រព័ន្ធគ្រប់គ្រងសុវត្ថិភាពម្ហូបអាហារ

 

ក. ការផ្តល់ធនធាន
ក្រុមហ៊ុន/អង្គភាពត្រូវផ្តល់ធនធានគ្រប់គ្រាន់សម្រាប់បង្កើត អនុវត្ត ថែរក្សា និងធ្វើអោយប្រសើរឡើង​នូវប្រព័ន្ធគ្រប់គ្រងសុវត្ថិភាពម្ហូបអាហារ។ 

ខ. ធនធានមនុស្ស

លក្ខណៈទូទៅ

ក្រុមសុវត្ថិភាពម្ហូបអាហារ និងបុគ្គលិកផ្សេងៗដែលធ្វើសកម្មភាពមានផល់ប៉ៈពាល់​លើសុវត្ថិម្ហូប​អា​ហារ​ត្រូវ​បាន​សមត្ថភាព ការអប់រំ ការបណ្តុះបណ្តាល ជំនាញ និងបទពិសោធន៍សមស្រប។​ នៅពេល​ណា​ដែលត្រូវ ការជំនួយពីអ្នកជំនាញខាងក្រៅសម្រាប់បង្កើត ការអនុវត្ត ការប្រត្តិបត្ត ឬការវាយតម្លៃ​ប្រព័ន្ធ​គ្រប់​គ្រង​សុវត្ថិភាព​ម្ហូបអាហារ កំណត់ត្រាអំពីកិច្ចព្រមព្រៀង ឬកិច្ចសន្យាដែលបញ្ជាក់ពីការទទួលខុសត្រូវ និងសិទ្ធ​អំណាច​បនៃអ្នកជំនាញត្រូវតែរក្សាទុក។

សម្ថភាព ចំណេះដឹងនិងការបណ្តុះបណ្តាល

ក្រុមហ៊ុន/អង្គភាពត្រូវ៖

ក. កំណត់ពីសម្ថភាពចាំបាច់របស់បុគ្គលិកដែលសកម្មភាពរបស់គាត់ប៉ៈពាល់ទៅដល់សុវត្ថិភាពម្ហូបអាហារ

ខ. ផ្តល់ការបណ្តុះបណ្តាល ឬសម្ថភាពផ្សេងៗទៀតដើម្បីធានាថាបុគ្គលិកមានសម្ថភាពគ្រប់គ្រាន់

គ. ធានាថាបុគ្គលិកដែលទទួលខុសត្រូវលើការតាមដាន ការកែតម្រូវ និងវិធានការកែតម្រូវប្រព័ន្ធ​គ្រប់គ្រង​សុវត្ថិភាពម្ហូបអាហារបានទទួលនូវបណ្តុះបណ្តាល។

ឃ. វាយតម្លៃការអនុវត្ត និងប្រសិទ្ធភាពនៃចំណុច ក ខ និងគ

ង. ធានាថាបុគ្គលិកយល់ដឹងអំពីភាពពាក់ព័ន្ធ និងសារះសំខាន់ពីសកម្មភាពរបស់គេម្នាក់ៗ និងក្នុងសុវត្ថិភាព​ម្ហូប​អាហារ

ច. ធានាថាការតម្រូវសម្រាប់ទំនាក់ទំនងប្រកបដោយសុវត្ថិភាពត្រូវបានយល់ដោយបុគ្គលិកគ្រប់រូប ដែល​សកម្ម​ភាព​​របស់គាត់មានផលប៉ៈពាល់ទៅលើសុវត្ថិភាពម្ហូបអាហារ

ឆ. ថែរក្សាកំណត់ត្រានៃការបណ្តុះបណ្តាល និងសកម្មភាពដែលបានពិពណ៌នានៅក្នុងចំណុច ខ និង​គ អោយ​បានសមស្រប។

ប្រភព៖ ស្តង់ដាប្រព័ន្ធគ្រប់គ្រងសុវត្ថិភាពម្ហូបអាហារកម្ពុជា 22000