ការគ្រប់គ្រងឯកសារស្តង់ដារសុវត្ថិភាពម្ហូបអាហារ

 

ការបង្កើត និងការអនុវត្តកម្មវិធីសុវត្ថិភាពអាហារតម្រូវឱ្យមានឯកសារ និងកំណត់ត្រា។ ឯកសារ គឺ​ជា​គោល​នយោបាយ នីតិវិធី និងទំរងកំណត់ត្រាដែលត្រូវបានបង្កើតឡើងនៅពេលដែលសរសេរកម្មវិធី GMP ឬផែន​ការ HACCP ។ កំណត់ត្រា គឺជាលទ្ធផលនៃលទ្ធផលនៃការត្រួតពិនិត្យ និងសកម្មភាព​នៃការអនុវត្ត​កម្មវិធី​សុវត្ថិភាព​ម្ហូបអាហារដែលបានកត់ត្រាចូលក្នុងទំរងកត់ត្រា។​ 

ដោយសារកម្មវិធីសុវត្ថិភាពម្ហូបអាហារត្រូវបានពិនិត្យឡើងវិញ និងធ្វើបច្ចុប្បន្នភាពដើម្បីឆ្លុះបញ្ចាំង​ពីប្រតិបត្តិ​ការ​នៃកន្លែងរបស់អ្នក វាអាចនឹងមានឯកសារហួសសម័យដែលអ្នកត្រូវកំណត់ និងជំនួស។ នីតិវិធីត្រូវតែមាន​ដើម្បីត្រួតពិនិត្យឯកសារទាំងអស់ និងធានាថាមានតែកំណែបច្ចុប្បន្នប៉ុណ្ណោះដែលកំពុងប្រើ។

ដើម្បីឱ្យប្រាកដថាបុគ្គលិកកំពុងអនុវត្តការងាររបស់ខ្លួនឱ្យបានត្រឹមត្រូវ និងជាប់លាប់ វាសំខាន់ណាស់ដែល​ពួកគេកំពុងប្រើ​ប្រាស់ឯកសារត្រឹមត្រូវ។ ការប្រើប្រាស់នីតិវិធី ឬឯកសារដើម្បីកត់​ត្រាព័ត៌មាន​ហួសសម័យ​អាច​ប៉ះពាល់​ដល់សុវត្ថិភាពម្ហូបអាហារ។ ឧទាហរណ៍៖ ប្រសិនបើការ​ធ្វើបច្ចុប្បន្ន​ភាព​ត្រូវបាន​ធ្វើឡើងដោយ​បន្ថែម​ឧបករណ៍​ថ្មី ទៅក្នុងកាលវិភាគសំអាត ប៉ុន្តែកាលវិភាគចាស់មិនបានផ្លាស់ប្តូរ នោះឧបករណ៍ថ្មីអាច​មិនត្រូវបាន​សម្អាត​ដែលនាំឱ្យមានការចម្លងរោគ។

នៅពេលដែលអ្នកបង្កើតកម្មវិធីគ្រប់គ្រងឯកសារសុវត្ថិភាពម្ហូបអាហារ អ្នកត្រូវវិនិយោគលើពេលវេលា និង​ធន​ធាន​។ ជាមួយយុទ្ធសាស្រ្តគ្រប់គ្រងឯកសារមួយដ៏ល្អអ្នកត្រូវមានទំរងគ្រប់គ្រង៖

ក. នីតិវិធីត្រួតពិនិត្យឯកសារ

ខ. ទំរងស្នើរសុំបង្កើតឯកសារ

គ. ទំរងស្នើរសុំដកឯកសារ

ឃ. ទំរងស្នើរសុំកែប្រែឯកសារ។

ប្រភព៖ www.gov.mb.ca