កម្មវិធីត្រៀមទុកជាមុនជា/Prerequisite Programs

ផលិតផលិតផលម្ហូបអាហារដែលមានសុវត្ថិភាពតម្រូវឱ្យមានការវិភាគភ្នាក់ងារបង្ករគ្រោះថ្នាក់ និងចំនុច​ត្រួត​ពិនិត្យ​​ចាំបាច់ (HACCP)។ ការវិភាគភ្នាក់ងារបង្ករគ្រោះថ្នាក់ និងចំនុចត្រួតពិនិត្យ​ចាំបាច់​(HACCP)​ ត្រូវ​បាន​សាង​សង់លើគ្រឹះដ៏រឹងមាំមួយនៃកម្មវិធីត្រៀបទុកជាមុន។ ផ្នែកនីមួយៗនៃឧស្សាហកម្មម្ហូបអាហារត្រូវតែផ្តល់​លក្ខខណ្ឌចាំបាច់ដើម្បីការពារអាហារខណៈពេលដែលវាស្ថិតនៅក្រោមការគ្រប់គ្រងរបស់ពួកគេ។ នេះជាទំ​លាប់​​មួយដែលត្រូវបានសម្រេចតាមរយៈការអនុវត្តន៍ផលិតកម្មល្អ (GMPs)។ ស្ថានភាព និងការអនុវត្ត​ទាំងនេះ​ឥឡូវ​នេះត្រូវបានគេចាត់ទុកថាជាតម្រូវការត្រៀមទុកជាមុនសម្រាប់ការអភិវឌ្ឍ និងការអនុវត្តផែនការ វិភាគ​ភ្នាក់​ងារបង្ករគ្រោះថ្នាក់ និងចំនុចត្រួតពិនិត្យចាំបាច់ (HACCP) ដ៏មានប្រសិទ្ធភាព។ កម្មវិធីដែលជា​តម្រូវ​​ការ​ត្រៀម​ទុកជាមុន ផ្តល់នូវលក្ខខណ្ឌបរិស្ថាន និងប្រតិបត្តិការជាមូលដ្ឋានដែល​ចាំបាច់សម្រាប់​ផលិតអាហារ​ដែល​មាន​សុវត្ថិភាព។ កម្មវិធីត្រៀមទុកជាមុនជាទូទៅអាចរួមបញ្ចូល៖

១. គ្រឿងបរិក្ខារ

ការតម្លើងគ្រឿងបរិក្ខារត្រូវតែមានទីតាំងសាងសង់ និងថែរក្សាតាមគោលការណ៍រចនាសម្ព័ន មានលំហូរផលិត​ផល និងការត្រួតពិនិត្យចរាចរណ៍ ដើម្បីកាត់បន្ថយការចម្លងរោគឆ្លងពីវត្ថុធាតុដើមឆៅ ទៅផលិតផលសម្រេច។

២. ការត្រួតពិនិត្យអ្នកផ្គត់ផ្គង់

កន្លែងនីមួយៗគួរតែធានាថាអ្នកផ្គត់ផ្គង់របស់ខ្លួនមានកម្មវិធីការអនុវត្តន៍ផលិតកម្មល្អ និងកម្មវិធី​សុវត្ថិភាព​អាហារ​។ ទាំងនេះអាចជាប្រធានបទនៃការធានាបន្តរបស់អ្នកផ្គត់ផ្គង់ និងការបញ្ជាក់​ពីប្រព័ន្ធវិភាគ​ភ្នាក់ងារ​បង្ករ​គ្រោះថ្នាក់ និងចំនុចត្រួតពិនិត្យចាំបាច់(HACCP)របស់អ្នកផ្គត់ផ្គង់។

៣.លក្ខណៈផលិតផល

​គួរតែមានលក្ខណៈរបស់ផលិតផលដែលបានសរសេរសម្រាប់គ្រឿងផ្សំទាំងអស់ផលិតផល និងសម្ភារៈវេច​ខ្ចប់​។

៤. ឧបករណ៍ផលិតកម្ម

ឧបករណ៍ទាំងអស់ត្រូវតែសាងសង់ និងដំឡើងដោយយោងទៅតាមគោលការណ៍ការរចនាអនាម័យ​។ កាល​វិភាគ​ថែរក្សាការពារ និងកាលវិភាគការក្រិតតាមខ្នាតគួរតែត្រូវបានបង្កើតឡើងនិងចងក្រងជាឯកសារ។

៥. ការសំអាត និងអនាម័យ

នីតិវិធីទាំងអស់សម្រាប់ ការសំអាត និងអនាម័យ ឧបករណ៍ ត្រូវតែត្រូវបានសរសេរ និងតាមដាន។ កាល​វិភាគ​អនាម័យមេគួរតែត្រូវបានអនុវត្ត។

៦. អនាម័យ​ផ្ទាល់ខ្លួន

បុគ្គលិកទាំងអស់ និងអ្នកផ្សេងទៀតដែលចូលរោងចក្រផលិត ត្រូវតែធ្វើតាមតម្រូវការ​សម្រាប់អនាម័យ​ផ្ទាល់​ខ្លួន។

៧. ការបណ្តុះបណ្តាល

និយោជិកទាំងអស់ត្រូវទទួលបានឯកសារបណ្តុះបណ្តាលអំពីអនាម័យផ្ទាល់ខ្លួន ការអនុវត្តន៍ផលិតកម្មល្អ នីតិវិធីសម្អាត និងអនាម័យ សុវត្ថិភាពផ្ទាល់ខ្លួន និងតួនាទីរបស់ពួកគេ។

​៨. ការគ្រប់គ្រងសារធាតុគីមី

ត្រូវមាននីតិវិធីដែលជាឯកសារដើម្បីធានាការបែងចែក និងការប្រើត្រឹមត្រូវនៃសារធាតុគីមីដែលមិន​មែន​ជាម្ហូប​អាហារនៅក្នុងរោងចក្រ។ ទាំងនេះរួមបញ្ចូលសារធាតុសំរាប់សម្អាត និងថ្នាំសម្លាប់សត្វល្អិត ឬនុយដែល​ប្រើ​នៅ​ក្នុង ឬជុំវិញរោងចក្រ។

៩. ការទទួលយក ស្តុកទុក និងការដឹកជញ្ជូន

រាល់វត្ថុធាតុដើម និងផលិតផលទាំងអស់ត្រូវរក្សាទុកនៅក្រោមលក្ខខណ្ឌអនាម័យ និងលក្ខខណ្ឌបរិស្ថានសម​ស្រប​ដូចជា សីតុណ្ហភាព និងសំណើមដើម្បីធានាសុវត្ថិភាពរបស់វា។

១០. ការតាមដាន និងប្រមូលមកវិញ

វត្ថុធាតុដើម និងផលិតផលទាំងអស់គួរតែត្រូវបានគេដាក់លេខកូដ និងប្រព័ន្ធប្រមូលផលិតផលមក​វិញ​ត្រូវ​បាន​រៀបចំ ដើម្បីឱ្យការតាមដាន និងប្រមូលត្រឡប់មកវិញបានយ៉ាងឆាប់រហ័ស និងពេញលេញ អាចត្រូវបានធ្វើ​ឡើង​នៅ​ពេល​ដែលការរកឃើញផលិតផលមានបញ្ហារ ឬក្នុងករណីចាំបាច់ណាមួយ។

១១.​ ការកំចាត់សត្វល្អិត

កម្មវិធីទប់ស្កាត់សត្វល្អិតដែលមានប្រសិទ្ធិភាពគួរតែត្រូវបានអនុវត្ត។​ កម្មវិធីត្រៀម​ទុក​ជា​មុន​អាច​រួម​បញ្ចូល​នីតិ​វិធីធានាគុណភាព នីតិវិធីប្រតិបត្តិការស្តង់ដារសម្រាប់អនាម័យដំណើរការការបង្កើតផលិតផល និងរូបមន្ត ការត្រួតពិនិត្យកញ្ចក់ នីតិវិធីសម្រាប់ការទទួល ការស្តុកទុក និងការដឹកជញ្ជូន ការដាក់ស្លាកសញ្ញាផលិតផល និងការអនុវត្តន៍ម្ហូបអាហារនិងគ្រឿងផ្សំរបស់បុគ្គលិក។

 

 ប្រភព៖ Food Safety Advisor