របៀបកំណត់កាលបរិច្ឆេទផុតកំណត់ម្ហូបអាហា/How to set your food expiry date

សូមស្វាគមន៍មកកាន់ការណែនាំ ស្តីពីភាពអនុលោមនៃសុវត្ថិភាពម្ហូបអាហារ។ តើខ្ញុំអនុលោមកាលបរិច្ឆេទ​ផុត​កំណត់សំរាប់សុវត្ថិភាពម្ហូបអាហារតាមរបៀបណា? នៅក្នុងវគ្គនេះយើងពិនិត្យមើលពីរបៀបកំណត់​កាល​បរិច្ឆេទ​​ផុតកំណត់ម្ហូបអាហាររបស់អ្នក។ កាលបរិច្ឆេទផុតកំណត់ម្ហូបអាហារត្រូវបានគេស្គាល់ផងដែរថាជា រយៈ​ពេលរក្សាទុកម្ហូបអាហារ ឬផលិតផលអាហារដែលបានកំណត់ដោយឧស្សាហកម្មផលិតអាហារ។ កាលបរិច្ឆេទ​ផុត​កំណត់​ម្ហូបអាហារ ឬកាលបរិច្ឆេតផលិត គឺជា​សូចនាករដ៏សំខាន់មួយ​ដើម្បីប្រាប់​ដល់​អតិថិជន​របស់​អ្នក​អំពី​សុវត្ថិភាព និងភាពសមរម្យក្នុងការប្រើប្រាស់ផលិត​ផលម្ហូបអាហារដែលមានការកំណត់យ៉ាងជាក់លាក់មួយ។  

១. ការប្រើកាលបរិច្ឆេទប្រើប្រាស់

ច្បាប់ស្តីពីសុវត្ថិភាពម្ហូបអាហារ ឬច្បាប់ស្តីពីការដាក់ផ្លាកម្ហូបអាហារភាគច្រើនតម្រូវឱ្យអាហារទាំងអស់ដែលបានលក់ទៅឱ្យអតិថិជន (ដែលត្រូវ​បានខ្ចប់) ត្រូវមានកាលបរិច្ឆេទផុតកំណត់ប្រើប្រាស់ម្ហូបអាហារ។ នេះអាចជាទម្រង់នៃ​កាលបរិច្ឆេទ​ប្រើ ឬកាល​បរិច្ឆេទផុតកំណត់ប្រើប្រាស់ម្ហូបអាហារ។

ការប្រាប់អតិថិជនពីកាលបរិច្ឆេទប្រើប្រាស់ផលិតផល គឺការផ្តល់ផលិតមួយដែលមានសុវត្ថិភាពដល់អតិ​ថិ​ជន (ការដាក់ផ្លាកកាលបរិច្ឆេទប្រើប្រាស់លើផលិតផលជាតម្រូវការសុវត្ថិភាពម្ហូបអាហារ) ។ កាលបរិច្ឆេទប្រើ​ប្រាស់​អាច​ចង្អុលបង្ហាញពីការបាត់បង់នូវគុណលក្ខណៈគុណភាពដូចជា ពណ៌ រសជាតិ ភាពដើម​នៃផលិតផល។ ល។ ការពិនិត្យមើលច្បាប់ស្តីពីផ្លាកសញ្ញាម្ហូបអាហារក្នុងតំបន់របស់អ្នកដើម្បីដឹងថា តើការប្រើកាល​បរិច្ឆេទ​ផលិត​និងកាលបរិច្ឆេទផុតកំណត់ប្រើប្រាស់ម្ហូបអាហារត្រូវបានកំណត់យ៉ាងច្បាស់លាស់ដែរឬទេ។

២. កំណត់កាលបរិច្ឆេទផុតកំណត់ម្ហូបអាហាររបស់អ្នក

កាលបរិច្ឆេទផុតកំណត់ម្ហូបអាហារត្រូវបានកំណត់ ជាទូទៅក្នុងកំឡុងពេលការអភិវឌ្ឍផលិតផលរបស់អ្នក។ វាមានសារៈសំខាន់ខ្លាំងណាស់ក្នុងការយល់ដឹងអំពីគ្រោះថ្នាក់នៃអតិសុខុមជីវសាស្រ្ត គីមី និងគុណភាពនៃ​វត្ថុធាតុដើមដែលត្រូវបានប្រើប្រាស់សំរាប់ដំណើរការផលិត និងផលិតផលសម្រេចផងដែរ។ ការវាយតម្លៃ​ហា​និ​ភ័យ​លើផលិតផលក៏ត្រូវបានប្រើជាទូទៅនៅក្នុងដំណើរការនេះ ហើយគ្រោះថ្នាក់ដែលមានសក្តានុពលលើម្ហូប​អាហារអាចត្រូវបានស្រាវជ្រាវនៅចំនុបនេះដែរ។ ពេលអ្នកមានការយល់ដឹងអំពីសក្តានុពលគ្រោះថ្នាក់ដែល​មាន អ្នក​​អាចផលិត​អាហារដែលមានសុវត្ថិ​ភាព​។ ជាធម្មតាការកំណត់កាលបរិច្ឆេទផុត​កំណត់ម្ហូបអាហារ​របស់​អ្នក វាត្រូវបានបញ្ចប់ជាមួយការពិសោ​ធន៍ នៅ​មន្ទីរ​ពិសោធន៍ចំណីអាហារ។ ផលិតផលរបស់អ្នកអាច​ត្រូវ​បាន​ធ្វើតេស្ត និងវាយតម្លៃនៅចំណុចផ្សេងៗក្នុងដំណើរការផលិត។ ឧទាហរណ៍ៈ៖ ប្រសិនបើអ្នកជឿថាផលិតផល​នេះមានសុវត្ថិភាពក្នុងការប្រើប្រាស់រហូតដល់ទៅ 6 ខែ អ្នកអាចសាកល្បងធ្វើតេស្តនៅថ្ងៃទី 1 ថ្ងៃទី 30 ថ្ងៃទី 60 និងថ្ងៃបន្តបន្ទាប់ទៀត។ មន្ទីរពិសោធន៍ចំណីអាហារ គឺជាធនធានដ៏ល្អក្នុងការជួយកំណត់​កាលបរិច្ឆេទផុត​កំណត់​ម្ហូបអាហាររបស់អ្នក នឹងជាប្រេកង់សាកល្បងដំបូងរបស់អ្នកផងដែរ។

ប្រភព៖ HACCPMENTOR
រៀបចំដោយ៖ Food Safety Advisor